Индија тестираше ракета со долг дострел што може да носи нуклеарна боева глава

Индија го спроведе четвртото успешно тестирање на „агни-5“, својата ракета со најголем дострел што може да носи нуклеарна боева глава, соопштија властите.

Интерконтиненталниот балистички проектил со дострел од 5 илјади километри беше тестиран трипати од 2012 година, а денешниот тест е последниот пред да биде вклучен во индискиот нуклеарен арсенал.

Ракетата била лансирана од островот Калам во Бенгалскиот Залив, источно од индискиот брег, соопшти Маниш Бардвај, портпарол на Агенцијата за истражување и развој на одбраната.

Ракетите „агни“ со среден и долг дострел се клучен дел од индиската програма за одвраќање на регионалните ривали како Пакистан и Кина.

„Успешното лансирање на агни-5 предизвикува гордост кај секој Индиец. Таа ќе ѝ даде голема сила на нашата стратегиска одбрана“, напиша на Твитер индискиот премиер Нарендра Моди.

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе

Не треба да паднеме во замката која не втурнува во спиралата на континуирано себепоништување.

повеќе