Бразилски геолози ја откриле Атлантида?

Бразилски геолози изјавиле дека во јужниот Атлантик, на 1.500 километри од брегот, во висина на Рио де Жанеиро, откриле карпа што би можело да биде дел од Атлантида, континентот што потонал пред 100 милиони години, при одвојувањето на Африка и Јужна Америка.

Парче од гранитната карпа отркиена на дното на океанот
Роберто Вентура Сантос, лидерот на тимот на експерти на Геолошката служба на Бразил (ЦПРМ), кој пред две години, за време на анализата на океанското дно, открил примероци од гранит, карпа што може да се најде само на копно, а не и во море, кажал дека тоа може да биде доказ за постоењето на древната Атлантида, пренесува Ројтерс.

„Тоа би можело да биде бразилската Атлантида. Речиси сме убедени во тоа, но потребно е нашата хипотеза да ја потврдиме со нови докази“, истакнал тој.

„Конечниот научен доказ ќе го добиеме оваа година по новите дупчења и анализата на подводната карпа“, објаснил Вентура Сантос во изјавата за весникот Глобо.

Тој прецизирал дека минатиот месец група истражувачи од Бразил и Јапонија извршиле истражување на геолошкото морско дно по должината на бразилскиот брег.

„Врз основа на тие анализи почнавме да согледуваме дека целата таа област би можела да биде дел од Атлантида, континентот што исчезнал во морето пред многу милиони години“, истакнал Вентура Сантос.

Македонските власти мора да престанат да го ограничуваат правото на движење на секој граѓанин без разлика каква боја на кожа има или на која националност ѝ припаѓа.

повеќе

Општо е познато дека една лага ако ја повторите сто пати, многу е веројатно таа да се прифати како вистина.

повеќе

Дали политичарите водат дебата за тоа дали имало или не проекти и економски раст?

повеќе