Ублажувањето на ковид мерките во Кина ги крена цените на нафтата

Цените на нафтата пораснаа на меѓународните пазари кон 89 долари, поттикнати од ублажувањето на мерките за сузбивање на ковид-19 во Кина кои би требало да ја ослободат побарувачката во најголемиот увозник на нафта во светот.

EPA-EFE

На лондонскиот пазар цената на барелот беше повисока за 1,87 долари во споредба со затворањето на тргувањето и изнесуваше 88,84 долари. На американскиот пазар со барелот се тргуваше за 2,02 долари повисока цена, од 82,57 долари.

Трговците ги охрабри објавата на кинеските градови Гуангжу и Чонгџинг дека ќе ги ублажат мерките за сузбивање на ковид, бидејќи ја протолкуваа како промена во кинеската стратегија за нулта толеранција кон коронавирусот.

„Назнаките кои доаѓаат од Кина изгледаат многу позитивно. Дури и скромно ублажување на политиката на нула толеранција ќе наиде на добар одек и заслужува таква реакција“, кажа Крег Ерлам од брокерската куќа ОАНДА.

Поддршка на цените на нафтата даде и послабиот долар, откако гувернерот на американската централна банка изјави дека би можел да го ублажи темпото на зголемување на каматните стапки.

Трговците се подготвуваат и за неделниот состанок на Организацијата на земји извознички на нафта (ОПЕК) и нејзините сојузнички. Иако извори кажаа дека се мали шансите да се смени производната политика, некои сепак сметаат дека не може да се исклучи можноста за намалување на производството.

„Мислам дека состанокот на ОПЕК+ ги присилува трговците да ги пополнат испразнетите позиции, но сите прогнозираат дека нема да ги менуваат производните квоти“, кажа Тамас Варга од ПМВ.

Поттик на цените им даваат и сигналите од ЕУ дека лимитот на цената за руската нафта би можел да биде од 65 до 70 долари. Пазарите мирно реагираа бидејќи тој лимит е повисок од актуелните пазарни цени на руската нафта. Официјален договор не е постигнат, а лимитот би требало да стапи на сила на 5 декември, паралелно со ембаргото на руската нафта.

Легенда под Главна слика

EPA-EFE

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе