Јапонската економија заздравува подобро од очекуваното

Јапонската економија во четвртиот минатогодишен квартал пораснала повеќе од што се очекувало, продолжувајќи го заздравувањето од најтешката повоена рецесија, иако падна во целата мината година.

EPA-EFE

Третата по големина светска економија во последниот минатогодишен квартал забележала раст од 12,7 отсто по анализираната стапка, која покажува колку би пораснал БДП во една година (четири тримесечја) кога во секое тримесечје би растела по истата стапка по која се зголемила во тоа тримесечје во споредба со претходното.

Тоа е втор квартал по ред на раст на економијата, и тоа повеќе од очекувањата на аналитичарите, кои во просек проценуваа дека БДП пораснал 9,5 отсто.

Но тоа е поспор раст во однос на претходното тримесечје, кога БДП скокна за 22,7 отсто по анализираната стапка. Извештајот на владата, објавен вчера, покажа и дека заздравувањето на производната активност во светот го поттикнало јапонскиот извоз и придонело на јакнењето на капиталните инвестиции, кои пораснале за првпат во три квартали, за повеќе од 4,5 отсто.

Личната потрошувачка, која сочинува повеќе од половина од економијата, порасна за 2,2 отсто, поспоро во однос на претходниот квартал, но повеќе од очекуваното.

И покрај силниот раст во последните две лански тримесечја, во целата минатата година јапонската економија поради избивањето на пандемијата на коронавирусот паднала за 4,8 отсто, што е прв годишен пад од 2009.

„Заздравувањето во четвртиот квартал се покажа посилно отколку што се очекуваше. Вистина е дека економијата се намали во 2020 година, но од летото постојано расте, поттикната од домашната на надворешната побарувачка“, вели Масаки Кувахара, економист на Номура секјуритис.

Иако јапонската економија се крена од остриот пад на почетокот на минатата година, предизвикан од вонредната состојба поради пандемијата на коронавирусот, и понатаму не е цврста на патот кон целосното заздравување.

Одлуката на властите за воведување нови ограничувања од јануари поради коронавирусот ги зголеми шансите за нова рецесија.

Легенда под Главна слика

EPA-EFE

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе