Германија ја активираше втората фаза за итно снабдување со природен гас: „Ситуацијата е сериозна“

Германија денеска ја активираше втората фаза од вкупно трите што ги има нејзиниот план за вонредно снабдување со природен гас.

Германската влада соопшти дека ја активирала фазата на „тревога“, поради намалувањето на испораката на рускиот гас и високите цени на тој енергенс на пазарот. Третата фаза од планот означува „вонредна состојба“, а германската влада соопшти дека претходно ги известила европските партнери за одлуката.

Од владата додаваат дека складиштата за гас во моментов се исполнети до 58 отсто од капацитетот, што е повеќе од лани, а дека до декември без дополнителни мерки не може да се пополнат 90 отсто од капацитетите.

Министерот за економија Роберт Хабек рече дека „ситуацијата е сериозна“.

„Намалувањето на снабдувањето со гас што го воведе Путин е економски напад врз нас. Ние ќе се браниме. Но нашата земја ќе мора да тргне по трнлив пат. Дури и да не го чувствуваме тоа во моментов, нашата земја веќе е во гасна криза“, рече Хабек.

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе