Европа се обидува да набави гас од три држави

Ескалацијата на енергетската криза може да предизвика поголеми проблеми на европскиот пазар на гас, поради зависноста на испораките од Русија, отколку на увозот на нафта, сметаат лидерите во енергетската индустрија. Цените на гасот почнаа силно да растат на европските пазари уште минатата година, поттикнати од бранот побарување кој го почна опоравувањето на економиите од коронакризата, особено во Азија, и ниските резерви во одделни европски земји.

EPA-EFE

Русија има најмногу докажани резерви на природен гас во светот и испорачуваше околу 651,3 милиони кубни метри дневно, од кои речиси 90 отсто во Европа. Половина од европските испораки одеа во Германија, Италија, Франција и Белорусија.

Минатата година руските компании дополнително ја отежнаа ситуацијата на европскиот пазар со намалени испораки во очекувањето на дозволата за Северен тек 2, кој требаше да ги удвои пратките на руски гас во Германија.

По нападот на Русија на Украина на крајот на февруари Берлин го блокираше проектот, а Европската Унија најави дека до 2030 сака да биде независна од рускиот гас. Европските земји сега се обидуваат да набават течен гас пред сè од САД, Алжир и Катар. Учесниците на конференцијата Серавик во Хјустон предупредија дека набавката на течен гас ќе биде тешка задача.

„Едноставно нема дополнителен ЛНГ кој би влегол во мрежата, би го решил недостигот од гас и би ги покрил потребите на Европа во следната година, а во Азија беше студено и нема алтернатива“, кажа основачот и извршен директор на Фрипорт ЛНГ Мајкл Смит.

Цената на природниот гас во САД континуирано расте во терминските договори, но е на ниво од 4,525 долари за милион британски термални единици, многу пониско отколку во Азија каде што е 38,97 долари и во Европа каде што достигна 48 долари.

„Јасно е дека проблемот на Европа е всушност недостигот од гас, а не нафта“, кажа на конференцијата министерот за нафта на Екваторијална Гвинеја Габриел Обијанг Лима. Речиси комплетниот американски извоз на ЛНГ, околу 356,8 милиони кубни метри дневно, во моментов е насочен кон Европа и Азија.

Европа сепак нема доволно терминали за прием на ЛНГ, а нивната изградба трае со години. По неколкуте години развој, изградбата на нови погони успори во последните три години.

Ендрју Вокер, потпретседател на Чениер, најголемиот извозник на американски ЛНГ, кажа дека кризата во Европа ја открива потребата за поголем број долгорочни договори за набавка за да се обезбеди сигурно снабдување на пратки во преминувањето на обновливи извори на енергија. Купувачите пред две години не сакаа да потпишуваат долгорочни договори бидејќи цените на гасот тогаш беа на историско ниско ниво, пишува Ројтерс.

Легенда под Главна слика

EPA-EFE

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе