Блумберг: Доларот повеќе не е водечка светска валута

Американскиот долар повеќе не е водечка светска валута, откако еврото го престигна како валута за плаќање на меѓународниот пазар, за првпат од февруари 2013 година.

EPA-EFE

Дури 37,82 отсто од меѓународните парични трансакции се извршени во европската валута, објави Блумберг, повикувајќи се на светското Здружение на меѓубанкарски финансиски телекомуникации (СВИФТ). Тоа здружение опфаќа 200 држави и 11.000 финансиски институции.

По еврото следат американскиот долар, британската фунта, јапонскиот јен и канадскиот долар, кој го истиснал кинескиот јуан од петтата позиција.

Користењето на доларот од декември минатата година до октомври годинава се намалило за 4,6 отсто, па сега тој зафаќа 37,64 отсто удел.

Во истото време еврото пораснало за шест отсто.

Американскиот долар остана на првото место кога станува збор за пласирањето кредити и заеми. Експертите како причини за падот на доларот на листата на најважните валути ги гледаат економската криза поради пандемијата на коронавирусот, американските претседателски избори и трговската војна со Кина.

Од својот врв во март, доларот во меѓувреме ослабел за 11 отсто, а експертите сметаат дека му следи понатамошен пад.

Легенда под Главна слика

EPA-EFE

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе