Вардар ги почна подготовките за новата сезона

Вујовиќ: Во Вардар не смее да има просечност, додека сум јас тренер сите мора да оставаат срце на терен

Вардар денеска под палката на Веселин Вујовиќ ги почна подготовките за новата сезона, искусниот стратег вели дека сите [to ќе играат додека тој е тренер, мора да гинат за црно-црвениот дрес. 

Фото: РК Вардар / Денис Дуковски
Вардар со нов тренер и надеж за подобра сезона во Европа ги почнува новите подготовки. Веселин Вујовиќ има посебни емоции кон македонскиот тим.
 
„Сите очекуваат од Вардар да се впушти по трофеите, а ни јас како тренер, а ни македонската јавност не се задоволува со просечност. Така да, може да ме мразат, може да ме сакаат, но додека сум тренер сите мора – срце на терен да остават! Вчера имав состанок со претседателот објасни каква е ситуацијата и случувањата со ЕХФ за плаќањето на депозитот и моите информации се дека денеска сѐ е решено позитивно, така да тоа е олеснување и за мене и за играчите“, вели Вујовиќ.
 
„Се надевам дека играчите ќе ја оправдаат довербата, а ќе видиме дали ќе има уште некое засилување. Засега не може да ја користиме салата, претопло е и не е хумано да се трча и да се тренира тука. На Златибор ќе биде полесно“.
 
Единствениот кој ќе недостасува на подготовките е Шпанецот, Гурбиндо кој со Шпанија ќе настапи на Олимписките игри во Токио.
 
Од денеска до 19. јули екипата ќе биде во Скопје, а потоа подготовките ќе продолжат во Златибор, Србија кадед ќе се остане десет дена.
 
Вардар за 11 август го има првиот тест со Еурофарм Пелистер, па следи струшкиот турнир, а потоа и Хумел Купот во Германија, пред да продолжи четвртфиналето во СЕХА кон крајот на идниот месец за место на завршниот фајнлфор во Задар од 3 до 5 септември.

Легенда под Главна слика

Фото: РК Вардар / Денис Дуковски

Одлуките донесени од поранешната власт, како што се докажа, беа лоши.

повеќе

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе