ЕП 2022

Шведска ќе игра против Шпанија во големото финале на Европското првенство

Во драматичен натпревар Шведска ја победи Франција со 34-33 и се пласираше во финалето на Европското првенство каде за пехарот ќе се бори против селекцијата на Шпанија. 

Фаворизираните селекции на Данска и Франција во недела ќе се борат за третото место на Европското првенство, а пехарот ќе го крене некоја од селекциите на Шпанија или Шведска.
 
Франција имаше одличен почеток на мечот, поведе со 5-1 на стартот, уште неколкупати имаа предност од четири гола, но потоа следуваше серија на Шведска која го презеде водството и на одморот замина со предност од 17-14.
 
Во вториот дел Шведска постојано водеше, а Франција се обидуваше да ја анлуира негативата. Вистинска драма се случуваше во финишот од натпреварот. При 34-33 Шведска ја загуби топката и им дозволи на Французите напад за израмнување на 15 секунди до крајот, но Швеѓаните го имаа фантастичниот паличка кој го одбрани последниот зицер и ја однесе својата репрезентација во финалето.
 
Паличка беше брилијантен со 12 одбрани, а постигна и три голови, големи заслуги за финалето носи Готфридсон кој постигна девет голови, а имаше и неколку фантастични асистенции. Кај Франција Деска и Мин постигнаа по осум голови.
 
Во недела од 15:30 часот најпрво се игра мечот за третото место меѓу Данска и Франција, а финалето меѓу Шпанија и Шведска е од 18 часот.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе