Европска лига

Нексе стави крај на Европската авантура на Пелистер

Еурофарм Пелистер го загуби и вториот натпревар од Нексе во осминафиналето од Европската лига, хрватскиот тим славеше со 22-21 среде Битола. 

Првиот меч кој се играше во Нашице заврши со победа на Нексе од 29-26, предност за Хрватите која не изгледаше како недостижна за Еурофарм Пелистер, но битолскиот тим не успеа да ја надополни, не успеа ниту да дојде до победа.
 
А Еурофарм Пелистер тргна одлично, во 17. минута имаше водство од 7-3, разликата која му беше потребна, но како наближуваше полувремето Нексе играше се подобро, ја стопи предноста на битолчани, дојде до израмнување, на полувремето беше 11-11.
 
Второто полувреме почна со серија од 3-0 за Нексе, Пелистер се мачеше во нападот. На четири минути до крајот резултатот беше 20-20, но не се случи чудо, Нексе даде два гола, домаќините само еден и хрватскиот тим си замина со победа од 22-21.
 
Најдобри во составот на Пелистер беа Мандалиниќ со шест голови и Табоада со пет. Кај Нексе блескаше голманот Радовановиќ запишувајќи вкупно 13 интервенции, со 43-процентна успешност. 
 
Нексе за влез на фајнл-фор турнирот од Европската лига ќе се бори против ГОГ, Еурофарм Пелистер ќе се фокусира на домашното првенство и мечот со Вардар кој е на крајот од овој месец во Битола.

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе

Самостојните уметници не се доволно мотивирани да создаваат. 

повеќе

Кој кого „мафлосува“, тие нас или ние нив. Чекор напред, три назад, како раковите во Охридското Езеро од моето детство кои исчезнаа во налетот на технолошкиот напредок и уништувањето на животната средина.

повеќе