ЕП 2020

Македонија на мегдан со добро познатата Чешка

Македонската ракометна репрезентација денеска го има вториот настап на Европското првенство, противник ни е селекцијата на Чешка. 

Македонските ракометари денеска ќе ја водат втората битка на континенталниот собир, Македонија ќе се сретне со стариот познаник, селекцијата на Чешка.
 
Со селекцијата на Чешка имаме одиграно дури 14 мечеви, од нив тие се радувале на шест победи, ние на пет, тру дуели завршиле нерешено.
 
Последниот натпревар против Чешка беше пред две години на Европското првенство кога во изедначен меч загубивме со 25:24. Манасков по истекот на времето имаше пенал, можеше да ја спаси нашата селекција од пораз, но голманот Мрква беше победник.
 
И денеска се очекува неизвесен меч со голема борба. Ние во него влегуваме по победа над Украина, тие по пораз од домашната репрезентација на Австрија.
 
За Чесите овој дуел е да се биде или не, финале, поправен немаат. Ние ако победиме денес, на коло пред крајот ќе го завериме пласманот во следната фаза и ќе ја оствариме првичната цел. Во случај на пораз ќе имаме шанса билет за следна фаза да обезбедиме со победа над Австрија, но тој пат е малку потежок.
 
Македонија потешко од очекувањата ја совлада Украина, малку фалеше од готово да направиме вересија, сепак го имавме Кире Лазаров од кој се уште сме зависни. 
 
Чешка е посилна селекција од Украина, избраниците на Брестовац ќе мора да одиграат фокусирано во текот на целиот меч и бројот на грешките да го сведат на минимум. Квалитетот на двете селекции е речиси изедначен, од нашето издание ќе зависи дали ќе се израдуваме на нова победа.
 
Натпреварот меѓу Македонија и Чешка почнува од 16 часот.
 

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе