СП ФРАНЦИЈА 2017

Лазаров: Подготвени сме да ја презентираме Македонија во најдобро светло

Капитенот на македонската ракометна репрезентација, Кире Лазаров вели дека целта на Светското првенство е да ги задволат очекувањата на навивачите во нашата земја.

Македонија утре против Тунис го започнува настапот на Светското првенство во Франција. Подмладената селекција на Лино Червар е подготвена за предизвикот. 
 
„Одработивме едни квалитетни, чесни подготовки, бевме вредни како никогаш до сега, се надеваме дека и среќата ќе не послужи која е неопходна на овие големи натпреварувања. Ми се допаѓа атмосферата во репрезентацијата иако знаеме дека таа споро се прави но брзо се руши. Со само еден лош меч или пораз може да биде се поинаку“ - вели капитенот Кире Лазаров.
 
„Во Лино Червар имаме еден искусен стратег кој има големо искуство на репрезентативен план, освојувал златни, сребрени, бронзени медали. Тоа е наша предност, но првенството е исклучително квалитетно и не смееме да потцениме ниту една репрезентација, вклучително и Ангола“.
 
„Многу ја посакуваме победата над Тунис, но што и да се случи ништо нема да биде решено. Сакаме да се пласираме во осминафиналето, но да одиме чекор по чекор. Сакаме да ја презентираме Македонија во најдобро светло и да ги задоволиме нашите навивачи и да ги исполниме нивните очекувања“.
 
Натпреварот помеѓу Македонија и Тунис се игра утре (четврток) со почеток од 17:45.

Последните 11 години Македонија е окована во аграрен, ксенофобичен и социо-економски популизам, кој не се однесува на интересите и потребите на граѓаните, туку на оние кои се повинуваат на волјата на елитата.

повеќе

Политичарите изразуваат „загриженост“ за аерозагадувањето на начин што нѐ оддалечува од наоѓањето решенија, наместо да не доближува.

повеќе

Многу македонски „интелектуалци“, новинари и политичари се повеќе загрижени од можноста да се направи т.н. македонска платформа, отколку од последиците за земјата од прифаќањето на т.н. албанска платформа.

повеќе