СП ФРАНЦИЈА 2017

Франција тргна моќно, домаќинот го понижи Бразил

Франција одигра супериорен натпревар на стартот од Светското првенство, домаќините го победија Бразил со 31:16. 

Франција буквално го понижи Бразил во првиот меч на Светското првенство. Актуелниот светски шампион покажа доминантна игра и му одржа ракометна лекција на противникот.
 
Натпреварот во ниту еден момент не беше неизвесен, првото полувреме заврши со дури десет голови разлика, 17:7. Во второто полувреме Франција ја пушти и втората постава која исто така беше супериорна над Бразил.
 
Бразилците не успеаа да најдат решение за голманскиот тандем на Франција. Во првиот дел Тери Омејер имаше неверојатни 15 одбрани, во второто полувреме маестрален беше и Жерар Винсент кој постигна и гол.
 
Најефикасен во победничката репрезентација беше Порт со шест голови, дури пет играчи постигнаа по три гола Никола Карабатиќ, Гигу, Нарцис, Ниокас и Дипанда. Кај Бразил Толедо постигна пет погодоци.
 
Дел од бразилската селекција беше и Вардарецот Рожеиро кој денеска го славеше и 23. роденден. Пикерот не успеа да постигне гол.

Помина 22 јуни во уште едно потсетување, дека пред 16 години во 4,30 часот почна битката за Арачиново во која загинаа тројца припадници на македонските полициски сили.

повеќе

И во Турција, како и во Иран и Романија народот постојано ќе го поставува истото прашање: дали средствата потрошени за глорификација на власта можеа да бидат употребени за искоренување на сиромаштијата.

повеќе

Дали Борисов ќе го негира својот претходник, поранешниот премиер, генерал Рачо Петров и ќе продолжи да инсистира на заедничка историја која официјална Бугарија упорно настојува да ни ја подметне.

повеќе