Европска лига

Еурофарм Пелистер во последната минута пропушти да го победи Спортинг во Лисабон

Еурофарм Пелистер водеше во најголем тек од мечот но не успеа да го победи Спортинг Лисабон на негов терен поради лошо одиграна последна минута, мечот заврши 27-27. 

Битолскиот тим доминираше речиси во текот на целиот меч и чудо е како не успеа да стигне до целиот плен.
 
Спортинг единственото водство на натпреварот го имаше на почетокот од мечот, 1-0, а потоа се беше во знакот на Пелистер. На одморот се замина со водство на македонскиот тим од 16-14.
 
Во второто полувреме Еурофарм Пелистер на двапати водеше и со четири гола разлика, но финишот беше лош. Во последната минута битолчани имаа напад при водство од еден разлика со играч помалку, и тргнаа без голман. Тоа се покажа како грешка, Спортинг ја одзема топката и погоди на празниот гол за израмнување 27-27. Останаа уште десетина секунди за напад, но Пелистер не ги искористи.
 
Табоада со седум гола беше најефикасен во составот на Еурофарм Пелистер, Мандалиниќ постигна пет, Божи-Павлетиќ имаше четири од четири. Секељ мечот го заврши со осум интервенции.
 
По пет одиграни натпревари Еурофарм Пелистер е на третото место со шест освоени бодови, Ним и Спортинг се пред нив со бод повеќе.
 
На 7. декември Спортинг гостува во Битола.

Продолжува активноста на копачите, крановите и мешалките за цемент додека самите Албанци се протерувани од градот. 

повеќе

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе