Лига на шампиони

Алушовски: Порто е фаворит, но ќе се бориме до крај за нови бодови

Вардар во сабота од 16 часот го игра претпоследниот меч од групната фаза во Лигата на шампионите, црвено-црните му гостуваат на Порто. 

Ракометарите на Вардар и покрај сите проблеми со кои се соочуваат убедливо го победија Мотор во Скопје и се пласираа во осминафиналето.
 
Во последните две кола од групната фаза атакуваат на бодови за повисок пласман и полесен противник во нокаут фазата.
 
Гостувањето кај Порто ќе биде тешко, португалскиот клуб покажа дека станува збор за квалитетен состав. Тренерот Алушовски ветува максимален ангажман на неговите ракометари и борба за победа.
 
„Победата против Мотор во претходното коло ја подигна атмосферата в тимот. Сепак не треба тој резултат да ни дава преголеми оптимистички очекувања. Реално гледаме на ситуацијата. Порто е фаворит сега на дуелот, а ние одиме без притисок и со единствена мисла - да играме, да се натпреваруваме и секако да ги искористиме шансите. Се обидуваме да не мислиме на проблемите, но најголем е тој што немаме довлно играчи за ротација, па ќе мораме да се потпреме на она што го имаме во моментов. Знам дека сите ќе се борат до крај, нема предавање - напротив ќе гледаме да бидеме на ниво со кое ќе можеме да се носиме со домаќинот", вели Стефче Алушовски за официјалниот сајт на Вардар.
 

Најголемата закана од оружје засновано на ВИ не доаѓа од поединечни земји. Заканата ќе дојде од недржавни актери.

повеќе

Потребно е неодложно формирање на државен фонд кој ќе овозможи во прв момент преживување во оваа ситуација...

повеќе

Во време кога пандемијата на коронавирусот и понатаму е вон контрола, најдобар економски исход на кој би можеле да се надеваме е рецесија која ќе биде подлабока од онаа со финансиската криза во 2008 година. 

повеќе