Смртта на НБА-великанот

Останките на Брајант идентификувани со анализа на отпечатоци од прсти, најдени сите девет тела (ВИДЕО)

Телата на петмина, меѓу кои и на 13-годишната ќерка на Брајант, Џиана, допрва треба да бидат идентификувани.

Телото на кошаркарскиот великан Коби Брајант е идентификувано со помош на анализа на отпечатоци од прсти, рекоа иследниците, а истрагата продолжува на местото каде што неговиот хеликоптер се урна во Лос Анџелес.

Останките на девет лица се извлечени од местото, но телата на петмина, меѓу кои и на 13-годишната ќерка на Брајант, Џиана, допрва треба да бидат идентификувани.

Инспекторите досега користеле отпечатоци од прсти за да ги идентификуваат 41-годишниот Брајант, 50-годишниот пилот на хеликоптерот Ара Зобајан, друг маж по име Џон Алтобели (56) и жена по име Сара Честер (45).

Другите жртви се сопругата на Алтобели, Кери Алтобели, 46, и нивната ќерка Алиса, 13; селекторката на кошаркарската академија „Мамба“, Кристина Маузер, 38, мајка на три деца; и ќерката на Честер, Пејтон, 13. Иследникот рече дека истражителите „сè уште работат“ на идентификувањето на нивните останки.

Пилотот на хеликоптерот им кажал на контролорите на воздушниот сообраќај дека се искачува за да избегне слој од облаци непосредно пред уривањето на ридот во Калабасас, западно од Лос Анџелес, во неделата, според Националното биро за безбедност при транспорт (НТСБ).

„Искусниот“ пилот Ара Зобајан неколку минути пред несреќата добил посебна дозвола да лета во густа магла и летал на висина од 400 метри.

Податоците од радарот откриле дека тој потоа се искачил на 700 метри пред да сврти налево и да почне да се спушта. Остатоците од хеликоптерот Сикорски С-76Б беа најдени на 330 метри, соопшти НТСБ.

Додека истражителите продолжуваат да го пребаруваат местото на несреќата во Лос Анџелес, на социјалните медиуми и пред салата на Лејкерс центарот Стејплс масовно му се оддава почит на 41-годишниот великан.

Брајант, петкратен шампион во НБА лигата, кој играше за ЛА лејкерс во текот на својата 20-годишна кариера, се смета за еден од најголемите играчи во историјата на кошарката.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе