Суперкуп ракомет

Враќањето на Вујо почна неславно, Пелистер го растури Вардар во Суперкупот

Еурофам Пелистер со 31-22 го победи Вардар во Суперкупот на Македонија и за првпат го освои овој трофеј. 

Еурофарм Пелистер не само што го победи Вардар, туку буквално и го понижи откако го совлада со дури девет голови разлика.
 
Веселин Вујовиќ за првпат го водеше Вардар на официјален натпревар откако се врати во скопскиот клуб, и ако се суди според овој меч ќе има полни раце работа за да го врати на победничките патеки.
 
Првото полувреме беше израмнето, беше 14-14 кога Пелистер во вториот дел направи серија од 5-1 и почна да се одлепува.
 
 Веселин Вујовиќ се обидуваше да менува во поставата, да игра и 7 на 6, меѓутоа ништо не донесе резултат, напротив, предноста на Еурофарм Пелистер растеше до максимални 10 разлика пред крајот. 
 
Со честите грешки се дразнеа и нервите, па на пет минути до крајот дојде и до мал дуел меѓу Стојанче Стоилов и Немања Обрадовиќ, по што и двајцата добија директни црвени картони.
 
Голманот Скели со 12 одбрани се истакна на голот на Пелистер, тој постигна и иеден погодок. Најдобар стрелец за Битолчани беше Мандалиниќ со шест голови, за Вардар, Дибиров постигна седум, Талески пет.
 
Во четири изданија на Суперкупот, ова е прво да го освои некој друг освен Вардар, а за Е. Пелистер ова е прв пехар по двојната круна во 2005 година.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе