Реакција на Вардар

Вардар до ЕХФ: Одложувањето на мечот со Елвериум ќе ни создаде проблеми, бараме одлуката да се преиспита

По барање на Елверум, ЕХФ го одложи мечот од Лигата на шампионите меѓу Вардар и норвешкиот тим, црвено-црните имаат реакција на оваа одлука која беше донесена без тие да бидат консултирани. 

Фото: РК Вардар
Елверум побара одложување на мечот со Вардар бидејќи Македонија е на црната ковид листа во Норвешка па кога тие од Скопје ќе се вратат во својата земја ќе треба да бидат 14 дена во карантин.
 
Од Вардар велат дека сите земји за спортски натпревари прават исклучоци доколку се почитуваат сите протоколи, па се чудат на одлуката на ЕХФ.
 
„Ја добивме вашата одлука за одложување на натпреварот помеѓу Вардар 1961 и Елверум. Иако минатиот петок не известивте за можноста за одложување на натпреварот, сепак ние сме изненадени од одлуката и мора да забележиме дека оваа одлука е донесена без консултација со Вардар 196.
 
Како што е соопштено во официјалната информација, причина за одложување се можните проблеми за повторно влегување во Норвешка поради правилата на норвешката влада за карантин на патник што пристигнува од Република С. Македонија.
 
Не можеме да влијаеме на одлуките на норвешките власти, но треба да забележиме дека секоја влада обезбедува исклучок за спортските тимови. Ние сме на позиција дека Вардар 1961 не бил еднакво третиран бидејќи ги направивме сите потребни активности за организација на натпреварот, вклучувајќи ги сите стандарди за здравствена безбедност во согласност со упатствата на ЕХФ и на локалната самоуправа, како и изолираната резервација на хотелот само за луѓето од Елверум.
 
Потсетуваме, СЕХА Ф4 беше организиран со учество на Вардар 1961, на највисоко можно ниво и без никакви проблеми за време на турнирот и по завршувањето на турнирот за која било од учесничките екипи.
 
Во согласност со протоколите на Република С.Македонија, овој натпревар требаше да се игра без гледачи, а дополнително обезбедуваме редовно тестирање пред натпреварот и по натпреварот. Затоа ризикот е минимален и сметаме дека опцијата за играње на натпреварот мора да биде исцрпена. Тоа е редовна пракса во ЕУ, патниците кои имаат негативен PCR тест да не се бара да се стават во карантин.
 
Одложувањето на натпреварот ќе му донесе повеќе проблеми на Вардар 1961 бидејќи сме пред почеток на СЕХА лигата и ќе се соочиме со проблеми во календарот и со натпреварот со Елеверум. Од друга страна, Елверум имаше опција да го одложи својот натпревар во домашното првенство.
 
Ние би сакале, доколку е можно, одлуката за одложување да се ревидира и натпреварот да се игра според предвиденото“, се вели во соопштението на Вардар.

Легенда под Главна слика

Фото: РК Вардар

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе

И Софија ќе треба да не го запре македонското евро-интегрирање на самиот почеток – и Скопје ќе треба да ја декомунистицира и дејугословенизира својата елита, економија, политика, наратива и медиуми.

повеќе