Серија А

ВАР го спаси Наполи од шокантен пораз кај Сасуоло, Милан пресилен за Џенова и Пандев (ВИДЕО)

Наполи и Елиф Елмас кикснаа на гостувањето кај Сасуоло, имаа два гола предност но на крајот ВАР ги спасуваше од шокантен пораз, Милан беше пресилен за Џенова и Горан Пандев и стигна до триумф од 0-3.

Наполи остана без два бода на „Мапеи“ стадионот, лидерот во Серија А киксираше и дозволи противникот да направи голем кам бек.

Откако во првото полувреме мрежите мируваа, Наполи поведе на стартот од вториот дел со голот на Руиз, а Мертенс по еден час игра зголеми на 0-2.

Домаќините сепак не се предадоа, преку Скамака намалија на 1-2, за во 89. минута Ферари да скокне највисоко по еден прекин и да погоди за 2-2.

Драмата продолжи во судиското надополнување, Дефрел го матираше Оспина за 3-2 и огромна радост на домаќините, но славјето го расипа ВАР, голот беше поништен поради прекршок на Берарди врз Рахмани.

Нашиот Елиф Елмас мечот го почна од клупата за резерви и шанса доби на стартот од вториот дел.

На вториот денешен натпревар во Серија А од 20:45 часот, Милан беше пресилен за Џенова и Горан Пандев и славеше со 0-3.

Ибрахимовиќ прекрасно погоди од слободен удар за 0-1 по десет минути игра, за во последните мигови од првиот дел, Месиас да зголеми на 0-2. Истиот фудбалер по еден час игра биеше прецизно по земја за 0-3.

Пандев влезе во игра кога веќе се беше решено, па не можеше да стори ништо за Џенова да избегне пораз.

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе