Откако фудбалерите одбија намалување на платата

Шокантен потег на Динамо Загреб, го отпуштија целиот стручен штаб, остана само тренерот

Ситуацијата со коронавирусот донесе голем потрес во Динамо Загреб, откако фудбалерите не прифатија намалување на платата, клубот удри по стручниот штаб. 

Утринава се појавија информации од Хрватска дека фудбалерите на Динамо Загреб на чело со капитенот Аријан Адеми одбиле намалување на платата која клуб ја одреди како една од мерките за ублажување на ударот од финансиската криза поради коронавирусот.
 
Вечерва Динамо Загреб објави дека им врачил отказ на сите во стручниот штаб со исклучок на тренерот Ненад Бјелица.
 
Тоа се вкупно шест откази од клубот. Овие луѓе ќе ги задржеа своите работни места доколку фудбалерите го прифатија намалувањето на платите.
 
Се шпекулира дека поради оваа одлука можно е и тренерот Бјелица да си замине од клубот.
 
Ситуацијата во Динамо Загреб не е розева, преговорите меѓу раководството и фудбалерите не се одвиваат добро. Во наредните денови можни се уште потреси во хрватскиот гигант.

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе

За транспортерите – благодарам, за мерките – итност, за компаниите надеж дека Владата ќе ги искористи сите ресурси на државата за да ги одржи во живот, без разлика на цената што треба да се плати за тоа.

повеќе

Пандемијата со коронавирусот започна во време кога довербата во институциите беше на рекордно ниско ниво. 

повеќе