Лига на шампиони

Реал Мадрид го доби дербито со Интер, гол број 100 за Рамос (ВИДЕО)

Реал Мадрид со 3-2 го победи Интер во дербито од Лигата на шампионите, Серхио Рамос го постигна 100от гол во дресот на кралскиот клуб, Ливерпул ја демолираше Аталанта во Бергамо, славеше со 5-0, Диого Жота постигна хет-трик. 

Фаворитите во групата Реал Мадрид и Интер денеска, во третото коло се бореа за првата победа во Лигата на шампионите оваа сезона. До неа дојдоа домаќините кои триумфираа со 3-2.
 
Резултатот беше отворен во 25. минута кога Хакими Ашраф му подари една топка на Бензема а тој погоди за водство на Реал Мадрид од 1-0.
 
Осум минути подоцна Серхио Рамос донесе водство од 2-0, тоа беше негов 100. гол во дресот на Реал Мадрид, од кои дури 55 се со глава.
 
Интер се врати во мечот, преку Лаутаро Мартинез и Перишиќ дојде до изедначување на 2-2. 
 
Лаутаро имаше голема шанса и за комплетен пресврт, но откако не успеа Родриго даде гол за победа на Реал Мадрид од 3-2.
 
Ливерпул со фантастични 5-0 ја победи Аталанта на нејзин терен, а херој беше новото засилување Диого Жота.
 
Жота постигна хет-трик, погодоци реализираа и Салах и Мане.
 
Манчестер Сити со 3-0 го победи Олимпијакос, Торес, Габриел Жесус и Кансело беа стрелци за англискиот тим.
 
Најмногу голови имаше на мечот меѓу Салцбург и Баерн Минхен, дури осум. Баварците победија со 6-2.
 
Салцбург поведе уште во четвртата минута со гол на Бериша, но потоа следуваа голови на Левандовски и автогол на Кристенсен Баерн го сврте мечот.
 
Во 66. минута Окугава изедначи на 2-2, а во последните десетина минути следуваше фуриозен финиш на Баерн Минхен, Боатенг, Сане, Левандовски и Хернандез погодија за победа од 6-2.
 
Порто со 3-0 славеше над Марсеј, а Ајакс со 2-1 победи на гостувањето кај Митјиланд. Претходно Менхенгладбах со 6-0 победи кај Шахтар, а Локомотив Москва и Атлетико Мадрид одиграа 1-1.

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе