Лига на шампиони

Рашфорд во финишот го сруши ПСЖ во Париз! (ВИДЕО)

Манчестер јунајтед со гол на Рашфорд во финишот од мечот победи на гостувањето кај ПСЖ, Лацио со 3-1 ја совлада Борусија Дортмунд, немаше голови на дуелот меѓу Челси и Севиља. 

На Манчестер јунајтед не му оди најдобро во Премиерлигата, но имаше фантастичен старт на сезоната во Лигата на шампионите откако дојде до три бода на гостувањето кај фаворитот, ПСЖ.
 
Резултатот беше отворен во 23. минута од пенал, Бруно Фернандеш промаши од белата точка, но шутот беше повторен бидејќи Навас не ја газеше белата линија, Португалецот не промаши по втор пат, Манчестер јунајтед поведе со 1-0.
 
По десет минути игра во второто полувреме, Марсијал си постигна ефектен гол со глава за израмнување на 1-1.
 
Кога натпреварот се ближеше кон крајот и се очекуваше мечот да заврши нерешено, Рашфорд постигна гол во 87. минута за голема победа на Манчестер јунајтед.
 
Лацио имаше одлично враќање во Лигата на шампионите, ја победи Борусија Дортмунд со 3-1.
 
Отвори Имобиле уште во шестата минута, а Хитц си постигна автогол во 23. минута за водство на Лацио од 2-0.
 
Во 71. минута Халанд го намали резултатот на 2-1, но само пет минути подоцна Акпа Акпро ги постави конечните 3-1.
 
На третото денешно дерби, дуелот меѓу Челси и Севиља, немаше погодоци, натпреварот заврши 0-0.
 
Барселона со 5-1 го прегази Ференцварош, последните два гола каталонците ги дадоа со играч помалку откако Пике доби црвен картон во 68. минута. Сите пет стрелци за Барса беа различни играчи, погодија Меси, Фати, Кутињо, Педри и Дембеле.
 
Лајпциг со 2-0 го победи Башакшехир, а Рен и Краснодар одиграа нерешено 1-1.
 
Претходно Јувентус со 2-0 славеше кај Динамо Киев, а Клуб Бриж со 2-1 победи на гостувањето кај Зенит.
 

И покрај сета надеж што се роди со објавите за докажана ефикасност на неколку кандидати за вакцини за ковид-19, има долг пат пред нас што треба да се изоди за да се дојде до универзална и лесно достапна „вакцина за луѓето“. 

повеќе

Самиот Никос Коѕијас не го почитува договорот што го потпиша со Заев и Димитров. Ќе реагира ли македонското МНР на терминологијата во неговата колумна, како што вети дека секогаш ќе реагира кога се крши Договорот од Преспа? Треба. Ама не е за верување.

повеќе

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе