Иако се уште не е официјално потврдено дека Ерик тен Хаг ќе биде нов тренер на Манчестер јунајтед, медиумите шпекулираат со имињата на играчите кои стратегот ќе ги донесе на Олд Трафорд.
Според пишувањата на Сан, прво засилување ќе биде Антони од Ајакс. Бразилецот прикажува одлични партии и тренерот сака да го понесе офанзивниот фудбалер со себе во Манчестер јунајтед.
Весникот пишува дека зделката ќе биде вредна околу 60 милиони евра и не се очекуваат проблеми во преговорите, двата клуба имаат добри односи.
