Португалецот не планира да ја напушти Рома

Мурињо: Поради Боби Робсон имам емоционална поврзаност кон Њукасл

Жозе Мурињо вели дека има посебна поврзаност со Њукасл поради Сер Боби Робсон, но останува верен на проектот на Рома. 

Жозе Мурињо е едно од имињата кои се поврзуваат со Њукасл откако клубот доби нови газди. Португалецот објасни зошто има симпатии кон овој клуб, но ја отфрли можноста во блиска иднина да им биде тренер.
 
На прес конференцијата пред мечот со Јуве, тој беше прашан за Њукасл и можноста да им стане тренер.
 
„За Њукасл немам што да кажам, апсолутно ништо немам што да кажам“, рече Мурињо а потоа објасни.
 
„Единствената работа што можам да ја кажам е дека многу, многу години работев со еден од најзначајните луѓе за Њукасл, Сер Боби Робсон, поради тоа отсекогаш сум чувствувал некоја емоционална поврзаност со тој град и таа фан база. Но ништо повеќе од тоа“.
 
„Јас сум во Рома, навистина сум среќен што сум тука. 100 проценти сум фокусиран на проектот на Рома“.
 
Пред да стане самостоен тренер, Мурињо работеше со Боби Робсон во Спортинг Лисабон, Порто и Барселона. Прво му беше преведувач, а потоа стана дел од неговиот стручен штаб.
 
Боби Робсон беше тренер на Њукасл од 1999 до 2004 година, тој е роден во тој град, има и статуа пред стадионот Сент Џејмс Парк.
 

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе