Рома

Мурињо му порача на Заниоло да си оди од Серија А

Жозе Мурињо имаше пофалби за своите фудбалери и покрај поразот од Болоња, но даде изненадувачка изјава кога е Заниоло во прашање.

Рома синоќа загуби со 1-0 на гостувањето кај Болоња, врз Николо Заниоло беа направени повеќе прекршици а некои од нив не беа ниту досудени, иако беа очигледни. Доби и престрог жолт картон поради наводна глума.
 
Заниоло имаше две големи повреди иако е млад фудбалер. Мурињо смета дека во Серија А судиите не само што не го заштитуваат, туку и со нивните одлуки му ја отежнуваат ситуацијата, па го советува да си оди од оваа лига.
 
„Сакам да кажам нешто што веројатно е против мојот интерес. Доколку јас бев Николо Заниоло, ќе почнев да размислувам дека за мене станува тешко да играм во Серија А. Ме загрижува тоа како е третиран“, вели Мурињо.
 
Мурињо потоа беше запрашан да каже што мисли со ова.
 
„Зборувам против мојот интерес, но го советувам Заниоло да оди надвор, тука во Италија станува невозможно за него“.
 
Мурињо му честиташе на Михајловиќ за победата.
 
„Честитки за Синиша и Болоња, одиграа одличен натпревар. Честитки и за моите фудбалери кои дадоа се од себе против се и сешто“.
 
„Повреди пред мечот, повреди за време на мечот, скриени повреди на играчи кои играа 90 минути. Па имаше некои инциденти по кои моите играчи продолжија да се борат. Горд сум на овие момци, немам негативно чувство и покрај поразот“.
 
Рома следниот меч го игра против Интер, а Мурињо ќе има проблем да склопи тим.
 
Поради жолти картони нема да играат Абрахам и Карсдроп. Додека Ел Шарави поради повреда предвреме го напушти мечот па и тој веројатно нема да може да настапи. Феликс е отсутен поради ковид-19, на листата на повредени се и Пелегрини и Виљар.
 
„Треба да измислам стартен тим за во сабота“, кратко изјави Мурињо.

Зголемувањето на цените на храната се случува од причини кои се многу посложени отколку зголемувањето на другите цени, така што справувањето со тие причини бара различни стратегии. 

повеќе

Оние кои што најмногу сакаат карикатури засновани на црн хумор, имале највисоки мерки на вербалните и невербалните тестови на интелигенција, односно потребна е извесна интелигенција, добро расположение и смиреност да се препознае и ужива во црниот хумор, покажуваат истражувањата.

повеќе

Засега нема причина за паника, но треба внимателно да му пристапиме на наративот дека омикрон предизвикува лесна форма на КОВИД-19 која побрзо ќе доведе до крај на пандемијата.

повеќе