Премиерлига

Манчестер Сити со луд пресврт ја победи Астон Вила и стана шампион на Англија (ВИДЕО)

Манчестер Сити за пет минути даде три гола, ја победи Астон Вила со 3-2 и стана шампион во Премиерлигата, Ливерпул со 3-1 го совлада Вулвс, но тоа беше пирова победа. 

Кога се чинеше дека Манчестер Сити ќе киксне, тимот на Пеп Гвардиола се разбуди, се врати од два гола негатива, победи и ја освои титулата.
 
Астон Вила поведе со гол на Кеш во 37. минута, а Кутињо во 69. минута зголеми на 2-0 за гостите.
 
Манчестер Сити се мачеше да создаде шанса, па во тие минути се чинеше дека ќе кикснат и погледите беа свртени кон Ливерпул кој играше со Вулвс.
 
Но во 76. минута Гундоган намали на 1-2 и го врати Манчестер Сити во игра, само две минути подоцна Родри погоди за 2-2, а во 81. минута Гундоган постигна уште еден гол за комплетен пресврт и победа од 3-2.
 
Триумф кој значеше нова титула во Премиерлигата за Манчестер Сити.
 
 
Ливерпул си ја заврши својата задача, го победи Вулвс со 3-1, но тоа беше триумф кој ништо не вредеше.
 
Нето даде гол за водство на Вулвс од 1-0, Мане изедначи на 1-1 во 24. минута, тоа беше резултатот од првиот дел.
 
Салах погоди во 84. минута за пресврт и водство од 2-1, а конечните 3-1 ги постави Робертсон во 89. минута.
 
Во битката за четвртото место, Тотнем не дозволи сензација, со убедливи 5-0 го победи Норич и следната сезона ќе игра во Лигата на шампионите.
 
Арсенал со 5-1 го совлада Евертон, но триумфот не им вредеше многу бидејќи не дочекаа кикс на соседот од Северен Лондон.
 
Лидс се избори за опстанок во Премиерлигата откако со 2-1 славеше на гостувањето кај Брентфорд. Барнли ќе оди во Чемпионшип откако на свој терен со 2-1 загуби од Њукасл.
 
Манчестер јунајтед со 1-0 загуби кај Кристал Палас, Лестер со 4-1 го победи Саутемптон, Челси со 2-1 славеше над Ватфорд, Брајтон со 3-1 беше подобар од Вест Хем.
 

Ние сме земја што први во Европа имаме стратегија за интеркултурализам.

повеќе

Францускиот предлог претставува директно рушење на основните темели на ЕУ.

повеќе

Од мали нозе ги заобиколуваме правилата на игра, па не е ни чудо што потоа се сопнуваме кога ќе истрчаме на терен.

повеќе