Светската куќа на фудбалот ги одбра најдобрите во годината

Мала утеха за Левандовски, го победи Меси до признанието „Д Бест“ на ФИФА

Роберт Левандовски е фудбалер на годината во изборот на ФИФА, Полјакот стигна до наградата „Д Бест" пред Лео Меси и Мохамед Салах.

Роберт Левандовски според многумина неоправдано ја загуби битката со Лео Меси за престижниот трофеј „Златна Топка“, но мала утеха за напаѓачот на Баерн Минхен пристигна вечерва.

Полјакот е фудбалер на годината во изборот на ФИФА, Роберт Левандовски стигна до наградата „Д Бест“ пред Лео Меси и Мохамед Салах.

На церемонијата во Цирих, ФИФА додели уште неколку награди, Едуар Менди од Челси е избран за голман на годината, а предводникот на „сините“, Томас Тухел доби признание за тренер на годината.

Кристијано Роналдо доби специјално признание за голгетерскиот скор со репрезентацијата на Португалија.

Во женска конкуренција, Алеша Путељас од Барселона е најдобра во годината, Кристијане Едлер е најдобар голман, Ема Хејс е најдобар тренер а Кристин Синклер доби специјално признание.

Наградата за навивачите е доделена за фановите на Данска и Финска и нивната сплотеност кога Кристијан Ериксен колабираше на теренот. Наградата за фер-плеј е доделена на фудбалерите, лекарскиот тим и тренерскиот персонал на Данска и нивната херојска реакција со која беше спасен животот на Кристијан Ериксен.

За наградите гласаа фановите, одбрана група новинари, капитените и селекторите на репрезентациите.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе