Проблеми за „старата дама“

Истражителите го пронашле тајниот договор помеѓу Роналдо и Јувентус, истиот тежи речиси 20 милиони

Медиумите од Италија пренесуваат дека истражителите го пронашле фамозниот таен договор помеѓу Кристијано Роналдо и Јувентус, „старата дама" му ветила на фудбалерот дека ќе му исплати речиси 20 милиони евра дури и ако направи трансфер.

Оваа недела, обвинителството од Торино ги извести директорите на Јувентус и членовите на бордот за резултатите од прелиминарната истрага поврзана со „штелување“ на смеките, односно лажното сметководство и лажните известувања до берзата.

Истрагата започна минатата година откако на прислушкувани разговори се дознало за приватен документ помеѓу Кристијано Роналдо и Јувентус.

Тогаш се пишуваше за „фамозен договор кој не постои“ и како што пренесува Газета дело Спорт, документот конечно бил пронајден.

Во март 2020, кога фудбалот запре поради пандемијата на ковид-19, Јувентус соопшти дека фудбалерите се откажуваат од четири плати со цел да помогнат клубот да го преброди тешките месеци.

Но фудбалерите всушност се откажале само од една плата, а за другите три плати, потпишале приватни документи со кои им се гарантираат платите.

Газета дело Спорт пишува дека во случјанот на Кристијано Роналдо, му било ветено дека ќе добие 19,9 милиони евра, дури и доколку направи трансфер и замине од Торино.

Обвинителството смета дека овие приватни договори морале да бидат искажани во балансот како долг, и акционерите морале појасно да бидат известени за овие расходи.

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе