Конференциска лига

Европски трофеј за Рома, пет од пет за Жозе Мурињо (ВИДЕО)

Рома го победи Феенорд со 1-0 во финалето од Конференциската лига и го освои својот прв историски трофеј во Европа, Жозе Мурињо го продолжи перфектниот скор во европските финалиња, Португалецот сега има пет од пет. 

Рома е првиот освојувач на Конференциската лига, италијанскиот тим со 1-0 го победи Феенорд во финалето кое се играше во Тирана и се радува на трофејот.
 
За Жозе Мурињо ова беше петто европско финале и петта победа. Тој ќе биде запишан и како прв тренер кој ги освоил Лигата на шампионите, Лига Европа и Конференциската лига.
 
Натпреварот не изобилуваше со фудбалска убавина, особено не во првото полувреме во кое падна и единствениот гол.
 
Тоа се случи во 32. минута кога по асистенција од Манчини, Заниоло добро ја прими топката и ја смести во мрежата на Феенорд за водство на Рома од 1-0.
 
 
Холандскиот тим беше најопасен на почетокот од второто полувреме кога двапати ја погоди стативата. Откако фудбалерите на Рома ги одбранија тие налети, во продолжението од мечот воспоставија контрола на теренот и се одбранија.
 
На крајот заслужено се радуваа на трофејот, а Мурињо почна да им носи титули уште во својата прва сезона на клупата на римската волчица.

На 6 октомври 1946 година почна носењето на моштите на Гоце Делчев од Софија во Скопје, столицата на слободна Македонија.

повеќе

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе