Ето доби 22 месеци условна затворска казна за затајување данок

Легендарниот камерунски фудбалер, Самуел Ето доби 22 месеци затвор условно поради затајување на данок во периодот додека играл за Барселона.

Како и голем дел од ѕвездите кои играа во Шпанија, така и Самуел Ето затајувал данок. На ист начин е и осуден, со условна затворска казна.

Тој доби 22 месеци казна затвор, но бидејќи претходно не е осудуван, така ќе му биде условна казна, плус ќе треба да плати 1,8 милиони евра казна за штетата што ја направил на државата со затајувањето на данок.

Како што обично беше и во другите случаеви, така е и во овој, проблем се приходите од имиџ правата на фудбалерите. Во конкретниот случај Ето не ги пријавувал истите со што избегнувал да плати данок.

Со него е осуден и неговиот поранешен менаџер Хозе Марија Месалјес кој доби 12 месеци затворска казна и парична глоба.

Месалјес и Ето парите ги префрлале на фирма со седиште во Унгарија каде има најмали даноци од земјите во ЕУ.

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе