Серија А

Драма во Фиренца со седум погодоци, Интер со случаен гол во 95. минута стигна до победа (ВИДЕО)

Интер стигна до три бода на гостувањето кај Фиорентина, „нероаѕурите" триумфираа со 3-4 со случаен гол на Мхитарјан во 95. минута.

Возбудлив натпревар со драматичен финиш во Фиренца, домаќините два пати изедначуваа против Интер, но гостите си заминаа со три бода со гол во 95. минута.

„Нероаурите“ одлично го отворија натпреварот, Барела во втората минута донесе 0-1, за Лаутаро Мартинез да зголеми на 0-2 по 15 минути игра.

Кабрал од пенал намали на 1-2 во 33. минута, за по еден час игра, Иконе прекрасно да погоди за 2-2.

Лаутаро Мартинез во 73. минута од пенал го врати Интер во водство, но Јовиќ во 90. минута ја затресе мрежата за 3-3.

И кога се чинеше дека натпреварот ќе заврши без победник, Интер тргна во контра, Барела уфрли топка во опасната зона а Венути во намера да расчисти, го погоди Мхитарјан, топката се одби кон голот и заврши зад грбот на голманот.