Премиерлига

Де Хеа одбрани пенал во 95. минута, одбрани победа на Манчестер јунајтед (ВИДЕО)

Манчестер јунајтед со пресврт го победи Вест Хем со 2-1, Кристијан Роналдо повторно погоди, победата ја донесе Лингард, а ја одбрани Давид де Хеа. 

Вест Хем и Манчестер јунајтед одиграа возбудлив натпревар кој го добија црвените ѓаволи.
 
Вест Хем дојде во водство со гол на Бенрама во 30. минута, тој шутираше од далечина, топката го удри Варан, го смени правецот и заврши зад грбот на Де Хеа.
 
Но, кратко траеше радоста на Вест Хем, во 35. минута Кристијано Роналдо постигна гол за израмнување на 1-1.
 
Роналдо пропушти уште неколку шанси за нов гол, а имаше и сомнителна ситуација кога можеби требаше да биде досуден пенал по фаул врз него, но судијата одлучи да не го направи тоа.
 
Судбината сакаше Вест Хем да загуби од фудбалерот кој лани играше за нив, во 89. минута Лингард постигна убав гол за водство на Манчестер јунајтед од 2-1.
 
Во судиското продолжение беше досуден пенал за Вест Хем по играње со рака на Лук Шо. Дејвид Мојс тогаш во игра го внесе Нобл за да го шутира пеналот, но тоа се покажа како грешка, Давид де Хеа го одбрани неговиот удар и Манчестер јунајтед ги освои трите бода од овој натпревар.
 
Во другата средба од 15 часот Брајтон со 2-1 го совлада Лестер и продолжи со импресивниот старт на сезоната. Мопеј и Велбек погодија за домаќнитет, Варди реализираше за Лестер.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе