Бразил

Бразил тргнува по Гвардиола

Бразилската фудбалска федерација се надева дека ќе го убеди Пеп Гвардиола да стане нивни селектор откако ќе му заврши договорот со Манчестер Сити. 

Бразил по Светското првенство во Катар ќе остане без селектор, Тите нема да продолжи да ја извршува таа функција и веќе им го соопштил тоа на челниците од фудбалската федерација.
 
Иако во моментов главниот фокус е Мундијалот, во Бразил почнуваат да размислуваат и за иднината, кој да биде наследникот на Тите.
 
Според „Марка“, прв пик за нов селектор е Пеп Гвардиола, тие имаат подготвено и понуда за него од 12 милиони евра по сезона и договор заклучно со Светското првенство во 2026 година.
 
Во Бразил се оптимисти дека можат да го убедат Пеп Гвардиола да ја прифати работата, но нејасно е што размислува тој.
 
Гвардиола има договор со Манчестер Сити до јуни 2023 година и голема е веројатноста да ја напушти Премиерлигата по крајот на идната сезона.
 
Во Бразил се подготвени да имаат привремено тренерско решение во периодот откако ќе заврши Мундијалот до истекот на договорот на Гвардиола со Манчестер Сити.

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе