ТЕНИСЕРКАТА СЕ ОГЛАСИ ПО НАПАДОТ

Квитова: Повредата е сериозна, среќна сум што останав жива

Познатата чешка тенисерка, Петра Квитова се огласи на социјалните мрежи откако денеска со нож беше нападната во својот дом

26 годишната тенисерка заработила исекотина на левата рака откако се обидела да се одбрани од разбојникот кој влегол во нејзиниот дом во градот Простејов.

Петра Квитова попладнево се огласи на социјалните мрежи, двократната шампионка на Вимблдон вели дека повредата е сериозна но таа е среќна што останала жива.

„Ви благодарам на сите за пораките” – напиша тенисерката на Фејсбук.

„Како што веќе слушнавте, бев нападната во мојот дом од непозната личност со нож”.

„Во обид да се одбранам, заработив лоша повреда на левата рака”.

„Потресена сум, но и среќна што останав жива. Повредата е сериозна, ќе треба да се консултирам со специјалист, но оние кои добро ме познаваат знаат дека сум силна и ќе го надминам ова”.

„Уште еднаш ви заблагодарувам за љубовта и поддршката која ја изразивте и ве замолувам да ја почитувате мојата приватност во периодот додека се опоравувам”.

Поимањето на несомнената поддршка на ЕУ е најкомплицирано од перспектива на Република Македонија.

повеќе

Спортскиот амбасадор Лазаров покажа слаб дипломатски имунитет кон политиканството.

повеќе