Харис Беќири од Ростуше совлада несекојдневен спортски предизвик – „Еверестинг”

Младиот планинар и спортист Харис Беќири од Ростуше, седиште на Општина Маврово и Ростуше, се впиша во листата на 612 луѓе во светот, кои го совладале напорниот и несекојдневен спортски предизвик, познат како Еверестинг, објави Медат Куртовски, повереник за надлежностите на градоначалник на Општината.

Toj додава дека тоа е всушност неформален формат на спортска активност – најчесто велосипедизам, трчање или пешачење каде предизвикот е да се направи вкупно искачување од над 8.848 висински метри, односно височината на Еверест, во еден единствен обид, значи, совладување на таа надморска височина на одредена делница (качување и симнување) повеќе пати.

„Харис го започна предизвикот вчера во 4 часот наутро, а го заврши успешно денеска, напладне, што значи дека се искачуваше и симнуваше околу 32 часа. За време на својот подвиг, доби поддршка од своите блиски, пријателите, соселаните, колеги планинари, медицински тим, како и од претставници на локалните институции и приватни фирми“, вели Куртовски.

Ваквиот подвиг се пријавува во посебна асоцијација на светско ниво, која преку посебен софтвер води статистика и контрола за време на активноста. Со оглед дека Харис ја исполни целта, официјално се вбројува помеѓу 612 луѓе во светот кои го совладале спортскиот предизвик. 

Ракот на корупцијата и понатаму е ендемичен, а актуелната власт сè повеќе потпаѓа под лошите навики на претходниот режим на Никола Груевски.

повеќе

Ех какво време дојде, да се стремиме кон нула. Уште повеќе, да постигнеме нула.

повеќе

Како да ги зачуваме националните и креативни наследства со помош на вештачката интелигенција?

повеќе