УФЦ 259

Блахович го одбрани појасот, прв пораз на Адесања

Јан Блахович со едногласна судиска одлука го победи Израел Адесања и го одбрани појасот во полутешка категорија.

Адесања кој е актуелен шампион во средна категорија (84кг) сакаше да го освои појасот и во полутешката категорија (93кг), но не успеа да го совлада Блахович.

Полскиот УФЦ борец беше подобар во октагонот, а судиите со 49-46, 49-45 и 49-45 гласаа во негова полза. Ова беше прв пораз на Адесања по 20 ММА победи.

49-46
49-45
49-45

Jan Błachowicz does enough to score a unanimous decision victory and retain his light heavyweight title at #UFC259 🏆 pic.twitter.com/dqwVflyIAC
— UFC on BT Sport (@btsportufc) March 7, 2021

Покрај мечот меѓу Балхович и Адесања, имаше уште две борби за титули. Во женската полутешка категорија, Аманда Нунес уште еднаш ја презентираше својата доминација, за две минути ја совлада Меган Андерсон, завршниот удар го зададе со „триангл-армбар“ и дојде до победата.

GOAT STATUS.

🏆🏆 @Amanda_Leoa didn't need long! #UFC259 pic.twitter.com/LADS0snV0b
— UFC (@ufc) March 7, 2021

Во мечот од бантам категоријата, Петр Јан направи голема глупост поради која Алџамаин Стерлинг ја освои титулата.

Јан кој ја бранеше титулата беше фаворит и добро му одеше, но во четвртата рунда направи недозволен удар со колено поради која Стерлинг не можеше да продолжи. Јан беше дисквалификуван, а Стерлинг го доби појасот.

Aljamain Sterling is the NEW UFC Bantamweight Champion after this illegal knee disqualified Petr Yan #UFC259 pic.twitter.com/lQ6ITgu9ip
— Spinnin Backfist (@SpinninBackfist) March 7, 2021

Правилото вели дека кога еден борец со едно колено или рака е на земјата, не е дозволено да се удира во глава. Стерлинг беше долу со коленото, а Јан се сврте кон својот тимски корнер, праша дали да го удри, доби потврден удар од тренерите, го направи тоа и ја загуби борбата.

По мечот Петр Јан се извини за тоа што го направи: „Се извинувам и му посакувам брзо опоравување на Стерлинг. Немав намера да направам нелегален удар, единствано направив грешка и платив за тоа“.

I apologize and wish speedy recovery to @funkmasterMMA I didn’t mean to throw an illegal strike, I just made a big mistake and paid for it.
— Petr “No Mercy” Yan (@PetrYanUFC) March 7, 2021