Амбасадата изрази надеж дека за инцидентот ќе биде спроведена детална истрага, соопшти руското министерство за надворешни работи на својот канал на Телеграм.

„Амбасадата на Русија во Албанија ја потврди смртта на четворицата Русија во хотелот во албанска Каваја. Конзуларниот оддел на руската дипломатска мисија во Албанија е во редовен контакт со албанската полиција која ги истражува околностите на овој инцидент. Ние се надеваме на темелна истрага на надлежните албански служби за причините на смртта на руските државјани“, се наведува во соопштението на руското дипломатско претставништво во Тирана, пренесува ТАСС.

Според албанските медиуми, телата на четворица Руси беа најдени во петокот вечерта во хотелската сауна во местото Керет и дека „руските туристи се задушиле“.

Амбасадата на Русија во Албанија потврди дека ги истражува деталите на фаталниот инцидент.

Според претходните полициски информации [1] кои ги пренесоа албанските медиуми, жртвите се двајца мажи и две жени на возраст меѓу 31 и 58 години.