Во отсуство на Новак Ѓоковиќ, Данил Медведев е главен фаворит за освојување на Австралија опен, но Русинот и денеска добро се испоти за да го добие мечот. Оже Алиасим може да жали за поразот.

 

Младиот Канаѓанец одлично го почна мечот, ги доби првите два сета со 7-6 и 6-3.

 

Медведев успеа да го добие третиот сет во тајбрејк со 7-6 (2) и се врати во мечот, но работата за малку ќе беше завршена во четвртиот сет. Тогаш При сервис на рускиот тенисер, Оже Алиасим имаше меч топка која не успеа да ја искористи. Медведев сетот го доби со 7-5 и израмни на 2-2.

 

Во петтиот решавачки сет Медведев славеше со 6-4 и на крајот победи со 3-2 за пласман во полуфиналето.

 

Во полуфиналето Медведев ќе игра против Циципас кој претходно лесно со 3-0 го совлада Синер.

 

Во другото полуфинале играат Рафа Надал и Матео Беретини.