Надал со еден загубен сет го помина Качанов и се пласира во осминафинале на АО
Рафаел Надал засега без поголеми потешкотии ги поминува пречките на Австралија опен, денеска најде на нешто посилен отпор, но си ја заврши работата.
Надал ги доби првите два сета со 6-3 и 6-2, третиот го загуби со 3-6, но потоа го одигра најубедливиот сет, 6-1 и дојде до триумф од 3-1 во сетови.
Во осминафиналето Надал ќе игра со победникот од дуелот меѓу Манарино и Карацеф.
Убедлив настап денеска имаше Александер Зверев кој со 6-3, 6-4 и 6-4 го совлада Албот.
Зверев во осминафиналето ќе игра против Шаповалов кој со 3-1 го победи Опелка.
Пласман во осминафиналето обезбеди и српскиот тенисер кој требаше да игра против Ѓоковиќ, Кецмановиќ кој со 3-1 беше подобар од Сонего.
Следниот негов противник е Гаел Монфис кој е 17. носител на турнирот. Тој со 3-0 беше подобар од Гарин.