Се гледа корупција! Ова е пораката која денеска прелета над Скопје закачена за опашката на спортски авион. Оваа герила акција, од засега непознат организатор, доаѓа во време кога во Македонија врие од бројни корупциски скандали и трагедии поврзани со бројните слабости во начинот како функционира државниот систем, во кадровската политика, партократијата со која со децении живееме. Пораката на поединецот, групата, невладината организација е јасна - од авион се гледа корупцијата и претставува своевиден крик за реакција на надлежните правосудни органи.