Облачно и постудено време со дожд

Времето денеска ќе биде облачно и значително посвежо со повремени врнежи од дожд. Наместа врнежите ќе бидат поројни и обилни, а локално проследени со грмежи. Дневните температури ќе се намалат за околу 10 степени. Максималната температура ќе биде во интервал од 10 до 15 степени.

На планините на околу 1.200 метри надморска височина во западните и северните делови, врнежите ќе преминуваат во снег. Ќе дува засилен северен ветер.

Во Скопје времето ќе биде облачно со врнежи од дожд, кои повремено ќе бидат поројни. Ќе дува засилен северен ветер. Максималната температура ќе достигне до 13 степени.

Од утре времето ќе биде стабилно со ниски утрински температури, кои ќе се спуштат и под нулата и ќе дува засилен северен ветер. Најстудено ќе биде во вторник наутро, информираат од УХМР.