Во Скопје казнети 122 возачи

На територијата на Скопје вчера полицијата изрече вкупно 122 мерки, од кои 18 се за возење без возачка дозвола, осум за возење повеќе од дозволената брзина, три мерки за возење под дејство на алкохол, четири за технички неисправни и нерегистрирани возила, четири за непрописно престројување на возила и 30 за непрописно паркирање.

Засилените акциски контроли продолжуваат и во наредните денови, а од МВР апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.

 

Извор: https://www.mkd.mk/crna-hronika/vo-skopje-kazneti-122-vozachi