Скопјанец со „голф“ превезувал шестмина мигранти

Вчера на автопатот А1 во правец Смоквица-Демир Капија од полициски службеници од Полициска станица Богородица е лишен од слобода И.Б.(26) од Скопје, кој во патничко моторно возило „фолксваген голф“ со велешки регистарски ознаки превезувал шест лица-мигранти од Сирија и Авганистан.

Како што соопшти МВР, И.Б. при обид да биде сопрен од полициски службеници, не застанал, и на место викано „Црвени брегови“ со возилото удрил во патничко моторно возило „БМВ“ со скопски регистарски ознаки управувано од Б.К. од Гостивар. Известен е јавен обвинител. И.Б. е задржан во Полициска станица Неготино и по насока на јавен обвинител против него ќе биде поднесена кривична пријава по член 418-б,ст.2 од Кривичниот законик.