ПОЕЗИЈА

Политика, порнографија, поезија – Бојан Марјановиќ

Поетската збирка „Политика, порнографија, поезија“ (со поднаслов „Ебена љубовна книга“) на младиот српски автор Бојан Марјановиќ (1990, Ужице), кој живее во Белград и работи како новинар, на македонски јазик е препеана од Елизабета Баковска, а објавена во едицијата „Бореа“ на културната установа „Блесок“. Тука принесуваме една песна од збирката.

совеста и јас во рингот водиме тешкашка борба

би сакал да се сложам со адорно
и заедно
гушнати во неомарксистички дериват
мудро да тврдиме дека по аушвиц
нема смисла да се пишува поезија
дека всушност
ништо повеќе нема смисла
а камоли да се занимаваш
со приватни трици
вљубувања
љубови
разделби
лична меланхолија
исткаена од општи места

многу би сакал
ама не можам
фрлен сум во својот живот
и не знам како да се
борам со тоа

се трудам што помалку да мислам
на војниците кои ноќе
со врвот на пушката тропкаат на прозорците
зад кои бледите лица светат во мракот

лесно е да се поистоветиш со жртвата
и во паузата меѓу
оплакувањето на сопствената среќа
и посетата на тоалетот
да исцедиш некоја трошка праведнички гнев

ама што ако не сум жртва
туку оној кој жртвите ги носи во смрт
додуша
само со тоа што си ја работам работата

што ако сме
мојата поезија и јас
доволно банални за такво нешто

Доколку и се избере влада на РМ без формално определен мандатор Уставниот суд на РМ нема да има правна можност за никаква интервенција.

повеќе

Таквата федерализација, како што нѐ учи балканското искуство е само преодна фаза која води кон распад на земјата.

повеќе

Во Македонија мора да се случи мирен премин на власта. Така мора да биде и по изборите од 2016 година. Во спротивно, земјата ќе се третира како „пиратска“ или како „разбојничка“ држава.

повеќе