Поезија

Марко Томаш е роден во Љубљана, но живеел и работел во Сараево, Загреб и Сплит, а моментално живее и работи во Мостар. Тој е еден од основачите и уредниците на „Колапс“, новинар е во „журнал.инфо“, а објавувал поезија и проза на босанско-херцеговски, хрватски и српски јазик. Песните му се преведени на италијански, полски, германски и англиски јазик, а културната установа „Блесок“ објави избор од неговата поезија и на македонски јазик.

23 Мај 2017 - 15:05

Лауреат на наградата „Мостови на Струга“, што ја доделуваат Струшките вечери на поезијата и УНЕСКО за најдобра дебитанска книга, во 2017 година е Горан Чолакхоџиќ (роден 1990, во Загреб, а живее во Самобор) од Хрватска со книгата „На крајот таа градина“. Тука објавуваме три песни од збирката.

29 Април 2017 - 18:00

Поетската збирка „Политика, порнографија, поезија“ (со поднаслов „Ебена љубовна книга“) на младиот српски автор Бојан Марјановиќ (1990, Ужице), кој живее во Белград и работи како новинар, на македонски јазик е препеана од Елизабета Баковска, а објавена во едицијата „Бореа“ на културната установа „Блесок“. Тука принесуваме една песна од збирката.

11 Април 2017 - 17:17

Иван (Ивица) Џепароски (1958, Скопје) е поет, филозоф, професор и преведувач. Автор е на дваесет и пет книги, актуелен носител е на поетската награда „Браќа Миладиновци“ за 2016 година, а неодамна учествуваше на вториот Зимски поетски фестивал на СВП, каде, меѓу другите, ја прочита и песната „Завист“.

20 Март 2017 - 10:15

Палестинскиот поет, романсиер и драматург, Хасан Зактан, беше гостин на второто издание на Зимскиот поетски фестивал на СВП во Скопје. Роден е во Беит Џала, во близина на Витлеем, а живеел во Јордан, Сирија, Либан и Тунис. Автор е на 11 збирки поезија. Неговото поетичко патување се простира низ огромни временски и територијални простори, а во суштината на неговата поезија е меморијата. Во едицијата „Плејади“ СВП објави избор од неговата поезија со наслов „Како сламена птица ме следи“.

05 Март 2017 - 16:36

Ласе Содерберг, роден во 1931 година во Стокхолм, е еден од великаните на Шведска во полето на литературата и преводот. Дебитирал во 1952 како романсиер и како лиричар во 1955 година. Неговото творештво има свои корени во францускиот и шпанскиот надреализам, од што Содерберг отсекогаш бил фасциниран. Содерберг ќе учествува на Зимскиот поетски фестивал на СВП од 25 февруари до 1 март 2017 во Скопје.

23 Февруари 2017 - 18:23

Елизабета Линднер Костадиновска, е родена 1971 во Скопје. Таа е литературен преведувач, уметница, поетеса, основач и уредник на порталот за литература на македонски и германски јазик „Словокулт“. Дипломирала германистика на УКИМ во Скопје (2001), студирала Современа германска литература и Славистика на факултетите во Дрезден (1999-2000) и Регенсбург, каде во 2005 и магистрирала. После специјалниот курс за културен менаџмент, од 2006 година се преселува во Берлин, каде оттогаш живее и работи.

14 Февруари 2017 - 14:04

Поетот Борче Панов е роден во Радовиш. Со својата прва книга „Што виде Чарли Ч од наопаку“ во 1991 година доби награда за најдобра дебитантска книга. Во меѓувреме напиша уште осум стихозбирки, седум драмски текстови, преведен е на повеќе јазици, а својата десетта поетска книга „Уханија“ ќе ја објави оваа 2017 година, како издание на ИП „Панили“ од Скопје. Тука објавуваме три негови песни.

06 Февруари 2017 - 15:15

Поетесата Мирјана Стојановска (Битола, 1971) во 2016 година ја објави својата најнова стихозбирка со наслов „Џез во двокреветна соба“ (Нова, 2016), со која ја дополни низата на претходно објавените збирки поезија „Хроносот на зборот“, „Двобој со тишината“, „Заѕидана врата“, „Крст, триаголник и круг“, „Оксиморонот на мојата пеперутка“ (избор песни). Тука издвојуваме пет песни од новата збирка.

19 Јануари 2017 - 21:30

Владимир Мартиновски е поет, писател, есеист, професор, преведувач, книжевен критичар со многу книги и добиени награди за своето творештво. Меѓу специфичните интереси на Мартиновски, покрај свирењето на изворни музички инструменти, е неговата желба да спојува куса проза со хаику, а така се добиваат хаибуни. Тука издвојуваме три хаибуни од книгичката „Мачка во магла“ (Темплум, 2016).

03 Јануари 2017 - 14:15

Со стихозбирката „Сиво сјаат вселените“ поетот Стефан Марковски ја доби наградата „Бели мугри“ за 2016 година, признание кое го доделува ЈУ Дом на култура „Кочо Рацин“ од Скопје за најдобра необјавена поетска книга од автор до 35-годишна возраст. Тука објавуваме три песни од Марковски.

17 Декември 2016 - 11:37

Поетот Славе Ѓорѓо Димоски ја подготви својата најнова збирка поезија, која со наслов „Извештаи на Рисот“ и со илустрации на Сергеј Андреевски, ќе биде промовирана до крајот на годинава, а тука издвојуваме една од песните која е актуелна во сегашниов изборен калабалак.

29 Ноември 2016 - 18:29

Филозофот, естетичар, преведувач и поет Иван (Ивица) Џепароски во својата најнова стихозбирка „Светлината на Света Гора“ (Магор, 2015), за која веќе ја доби престижната поетска награда „Браќа Миладиновци“ на СВП 2016, во четири поетски циклуси низ стихови ги пренесува своите духовни доживувања од неколкуте патувања на Света Гора.

19 Ноември 2016 - 18:34

Поетот Ѓоко Здравески од јуни 2014 година, заедно со Ана Голејшка, ги организира книжевните вечери „Астални проекции“, кои се случуваат секој прв вторник во месецот во кафéто „Менада“. Пишува поезија, кратка проза и есеи. Има објавено три книги поезија: „Палиндром со две н“ (2010), „куќичка за птици-преселници“ (2013) и „љубавина“ (2016). Насловите на двете последни збирки ги пишува со мала буква, но чувствата внатре се големи. Тука правиме избор на песни од „љубавина“.

07 Ноември 2016 - 23:30

Милена Лунеска е авторка која успева универзалните човечки состојби да ги пренесе со себесвојствен, продуховен и интелигентен стил. Со манир на борец за вистинските вредности Лунеска дури и загубата ја претвора во врвна доблест, во која ќе се препознае секој читател на нејзините стихови.

01 Ноември 2016 - 18:28

Реформи во образованието секако дека се потребни, но тие треба да се базираат на цврсти докази поткрепени со позитивни резултати за напредок.

повеќе

Кога ќе се каже Западна Европа, во Македонија се мисли дека се работи за место каде што царува сознанието.

повеќе

Постојат кафе барови каде стои натпис дека немаат интернет па препорачуваат луѓето да си прават муабет како порано. 

повеќе