Поезија

Во очекување на новиот роман со наслов „Исчистени души“, што треба да се појави во издание на „Култура“, објавуваме три песни од Милена Лунеска, економистка која материјалното од приватниот бизнис го вложувала во образованието на синовите, а својата продуховена интелектуалност ја надградува со пишаниот збор. За себе вели дека е горда што е обичен човек со човечки квалитети, но и дека е борец за остварување на своите сонови.

13 Јуни 2016 - 11:11

Поетот Јовица Ивановски неодамна ја промовираше својата нова стихозбирка „Морето ми е до колена“, во издание на „Табернакул“, но тоа не е причина да прави пауза во пишувањето. За своите стихови досега ги добиваше епитетите урбан поет, поет на градот, на секојдневното, на својата генерацијата, додека со најновата песна стана и поет на револуцијата. Тука објавуваме и две песни од „Морето ми е до колена“.

04 Јуни 2016 - 12:12

Новиот поетски ракопис „Ние предметите“ на Жарко Кујунџиски содржи четири дела: пролог, два циклуса – „Ние“ и „Предметите“, двата со по 32 песни, и епилог. Станува збор за една хармонично структурирана книга стихови, која плени со својата инвентивност и висок степен на култура на изразот.

17 Мај 2016 - 15:50

Поетско-прозната збирка „Стихораскажувалка“ на Благица Секулоска (1979, Скопје) е нејзина прва авторска книга. Збирката е волшебно испреплетена комбинација од поезија и проза во издание на културната установа „Блесок“. Тука правиме избор од три нејзини песни.

30 Април 2016 - 12:00

Во едицијата „Синтези“ на издавачката куќа „Дијалог“ неодамна излезе стихозбирката „Меѓу два света“ од Диме Ратајкоски. Песните во збирката се сместени во три циклуси: „Сенката на стариот орев“, „Мермерен град“ и „Ѓердан од лузни“. Диме Ратајкоски е роден во Скопје. Работи како новинар и документарист во МТВ, а од 2012 година е главен и одговорен уредник на МТВ1.

17 Април 2016 - 15:42

Белгиската поетеса Руна Светликова ја доби наградата „Мостови на Струга“ за 2016 година. Наградата ја доделуваат Струшките вечери на поезијата и УНЕСКО. Руна Светликова (Белгија, 1982) е поет, писател и графички дизајнер. Поезијата во нејзината дебитанска книга „Оваа мека бела соба“ главно е инспирирана од луѓето, нивните слабости и неврози, убавината во грдотијата, како и смртта на татко ѝ.

02 Април 2016 - 17:10

Канадската поетеса Маргарет Етвуд е добитничка на „Златен венец“ на Струшките вечери на поезијата за 2016 година. Нејзиниот интерес за преобразувачката моќ на имагинацијата, со цел да се преминат строгите граници на дуалистичкиот универзум, водат кон тоа таа во нејзиното творештво често да го поставува прашањето на пишувањето, за улогата на поетот и моќта на поезијата.

23 Март 2016 - 18:10

„Аполитични интелектуалци“ од Ото Рене Кастиљо фрла светло врз општествената удобност и врз тоа како ние мора да се движиме кон општото добро и да станеме подобра верзија на самите себе. „Аполитични интелектуалци“ го покренува прашањето на инерцијата на т.н. лидери во времиња во кои се потребни најкритичка анализа и соодветна акција. Времето на поемата е време кога се потребни социјални промени додека водачите остануваат неактивни, па дури и кога се соочени со својот неизбежен крај. Тоа време е сега.

17 Март 2016 - 22:58

Македонската поетеса, писателка и преведувачка која живее во Словенија, Лидија Димковска, по седум години пауза ја објави поетската книга „Црно на бело“ (Или-Или, Едиција Поеза, Скопје, 2016). Во меѓувреме ги напиша и добиваше награди за романите „Скриена камера“ и „Резервен живот“ (награда за литература на Европската унија и награда „Стале Попов“ на ДПМ). Од „Црно на бело“ ги пренесуваме песните „Summa summarum“, „Мојот гроб“ и „Ехо“.

05 Март 2016 - 12:52

Добрила Грашеска е родена во Прилеп, но одамна живее во Скопје. Завршила Општа и компаративна книжевност на Филолошкиот факултет „Блаже Конески“, и денес заработува со читање и со пеење, зашто од 2008 година е вокалистка на групата „Чалгија саунд систем“, која ја негува македонската чалгиска музика. Пишува и поезија, но, вели, таа убавина сѐ уште ја нема почувствувано слободата. Добрила познава многу луѓе, но најмногу ги сака насмеаните, поетите и песнариите.

23 Февруари 2016 - 17:15

Поетесата Д.А. Лори (Долорес Атанасова – Лори) веќе има доволно нови песни за една цела збирка. Во очекување на тоа што треба да се случи, објавуваме три песни напишани во старата корејска форма на сиџо-поезија од три стиха и еден егзистенцијален поетски бисер со наслов „Такви сме си“.

31 Јануари 2016 - 18:20

Никола Илијовски (1991) е поет, раскажувач, книжевен критичар. Магистер по правни науки. Автор е на поетските книги: „Пламен на вечноста“, „Далечна илузија“, „Врати во времето“ и „Carpe Diem“. Активно објавува свои прилози во домашните книжевни списанија. Уредник е во издавачката дејност на Здружението за наука и култура „Нова“ од Битола.

12 Јануари 2016 - 19:05

Во издание на „Матица македонска“ од Скопје, излезе од печат поетската книга „Молитва за Македонија“ од Раде Силјан. На страниците од своето најново дело поетот застапува осумдесет песни, поделени во шест тематски циклуси, кои создаваат неразделна целина со вдахновени национални пораки.

02 Јануари 2016 - 19:35

Изборот поезија сместен во збирката „Од збор до збор“ (електронски објавен во 2013, во книготеката на Офф.нет) одново го принесува творештвото на Тихомир Јанчовски, сега во печатена форма, а претходно објавено во книгите „Обични зборови“ (1999), „Два“ (2002), „Последно време“ (2005), „Осама“ (2010), „О, ти“ (2011), „Староста може, а и не мора да се дочека“ (2013). Тука препрочитуваме неколку негови песни од различни творечки фази.

27 Декември 2015 - 16:16

Стихозбирката „Варварите сѐ уште пишуваат поезија“ на Елизабета Баковска е библиофилско издание испечатено во сто нумерирани примероци. Збирката е дизајнерско дело на Сашо Димоски и содржи негови фотографии. Не е финансиски поддржана од ниеден издавач, од ниедно министерство и од ниедна фондација. Нема да биде во продажба и нема да се допечатуваат дополнителни примероци. Тука објавуваме три песни од самоиздадената збирка.

04 Декември 2015 - 15:01

Најновиот референдум за излез на Велика Британија од ЕУ може да биде голема шанса за Западниот Балкан.

повеќе

Помина 22 јуни во уште едно потсетување, дека пред петнаесет години во 4,30 часот почна битката за Арачиново во која загинаа тројца припадници на македонските полициски сили.

повеќе

Македонецот како државно суштество, засновано на пресвртената онтологија има повеќе вредност од Македонецот кој ја бара вистинската онтологија на праведноста.

повеќе