Советот на јавни обвинители нема кворум за избор на нов шеф на скопското Вишо обвинителство

Советот на Јавни обвинители нема кворум за закажување на седница за избор на нов шеф на Вишото јавно обвинителство – Скопје. Претседателот на Советот, Антонио Јолевски, во изјава за МИА, вели дека најрано што очекува да се обезбедат услови е кон средината на декември, но не гарантира дали тоа ќе се случи.

„Се додека не се обезбеди кворум за да може да се одржи седницата, истата не може да биде закажана“, изјави Јолевски, посочувајќи дека во моментот се осум члена, заедно со Јавниот обвинител Љубомир Јовевски.

Во трка за шеф на Вишото јавно обвинителство Скопје беа тројца кандидати, но по повлекувањето на обвинителката Фатиме Фетаи, кандидатурата ја повлекол и Бурим Рустеми. Засега единствена кандидат за функцијата останува постојниот обвинител Мустафа Хајрулахи.

Претседателот на Советот на јавни обвинители, Јолевски, потврди дека Рустеми вчера до нив поднел известување дека се повлекува од кандидатурата, но без да образложи од кои причини го прави тоа.

Изборот на нов шеф на Вишото јавно обвинителство – Скопје беше на дневен ред на 70-тата седница на Советот на јавни обвинители на 14 ноември, но кога стигна оваа точка, таа беше одложена за, како што беше посочено, членовите да имаат доволно време за разгледување на досиејата на кандидатите. На продолжението на седницата на 21 ноември Советот за Јавни обвинители немаше кворум да одлучува за оваа точка и именуваше вршители на должноста до создавање на услови за избор.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе