Судењето закажано

Рашковски на 25 јануари седнува на обвинителна клупа

Основниот кривичен суд за 25 јануари го закажа судењето на поранешниот генерален секретар на Владата, Драги Рашковски по одобрувањето на обвинението кое опфаќа уште шест други лице.

Предметот, според автоматската распределба во Акмис системот е доделен кај судијата Фанка Јанчулева Михаиловска.

Според обвинението, на Рашковски ќе му се суди за злоупотреба на службената положба и перење пари, а обвинет е дека државниот буџет го оштетил за над 300 илјади евра. Најголемата финансиска злоупотреба од близу 17 и пол милиони денари, Рашковски ја направил со купување на компјутерски софтвер за сообраќајни прекршоци фирмата „Инвока груп“ кој што Министерството за внатрешни работи со месеци не го користело, како и за оштетување на буџетот за 100 илјади евра со незаконито спроведување на јавна набавка.

Владата во меѓувреме ги раскина договорите со друштвото „Инвока груп“ од кои едниот е за групна набавка од 28.2.2020 година и Договорот за набавка на услуги- одржување на софтвер за полагање испити на државните институции од 11.8.2020.

Во меѓувреме, Државната комисија за спречување на корупцијата, побара да се отвори уште еден предмет против Рашковски, поради сомнеж дека неговото семејство добило автомобил од 50 илјади евра како награда од гостиварска фирма.

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе