ОЈО ГОК бара нов притвор за Мијалков, овој пат за „Плацеви на Водно“

Основното јавно обвинителство за гонење на организиран криминал и корупција информира дека до Основниот кривичен суд-Скопје поднело Предлог за определување на мерка притвор за Сашо Мијалков, по обвинение за „перење пари и други приноси од казниво дело" во предметот познат во јавноста како „Плацевите на Водно“. 

„По денешната одлука на Апелацискиот суд Скопје со која беше прифатена жалбата на Сашо Мијалков и е преиначено решението за притвор, предметниот обвинител од Основното јавно обвинителство за гонење на организиран криминал и корупција, до Основниот кривичен суд Скопје поднесе Предлог за определување на мерката притвор за Сашо Мијалков, обвинет за помагање при кривично дело „перење пари и други приноси од казниво дело" од член 273 став 1 во врска со член 24 од Кривичниот законик, во предметот познат во јавноста како „Плацеви на Водно", се наведува во соопштението на ЈО.

Според Јавното обвинителство, обвинителот цени дека и покрај дадената гаранција и определените мерки за обезбедување, се уште постои опасност од бегство и во таа насока го доставило предлогот за притвор.

Апелацискиот суд во Скопје денеска ја прифати гаранцијата од 11.106.501 евро со што поранешниот директор на УБК, Сашо Мијалков, со што тој ќе излезе од притвор откако ќе биде приложена финансиската гаранција со која мерката притвор се преиначува во мерки за претпазливост, односно одземање на пасошот и обврска да се јавува во Суд.

Гаранцијата од над 11 милиони евра се состои во недвижен и во движен имот, а Мијалков треба да излезе од притвор кога ќе завршат административните процедури со ставање под хипотека на имотот што е понуден како гаранција дека нема да избега.

Оваа мерка притвор на Мијалков му беше изречена во врска со предметот „Трезор", каде е неправосилно осуден на осум години затвор.

Тој има првостепена пресуда и во случајот „Таргет – Тврдина" со која е осуден на 12 години затвор, а обвинет е и во случаите „Плацови на Водно" и „Титаник 2", а осомничен е и во предметот „Империја". Во „Тортура", пак, доби ослободителна пресуда.

Мијалков е во притвор од 13 април годинава. 

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе