Одложено судењето за „Беса транс“ - обвинетиот сопственик не може да биде и овластен застапник на фирмата

Првото рочиште од судењето за „Беса Транс", компанијата во чиј автобус во ноември минатата година во несреќа во Бугарија загинаа 45 македонски државјани, е одложено за 15 ноември. Судот го одложи рочиштето бидејќи за одржување на јавна расправа беше потребно „Беса транс“ да има официјален застапник., односно не беше можно да прифати во оваа постапка обвинетиот сопственик и управител на фирмата да биде и овластен претставник на „Беса транс“ како обвинето правно лице.

„Се задолжува обвинетиот, согласно член 511, како управител на правното лице, да определи претставник од редот на одговорните лице и од вработените во правното лице“, рече судијата.

„Треба да се направи дистинкција помеѓу немилиот настан што се случи во Бугарија минатата година и овој судски процес, бидејќи тие не се меѓусебно поврзани. Ова е процес исклучиво по поднесен обвинителен предлог во делот на работењето на самото правно лице, изјави по одложеното рочиште адвокатот Асмир Алиспахиќ, застапник на обвинетиот во случајот „Беса Транс".

„Ние веруваме во Судот, оставаме на Судот да одлучи во делот на сето она што ќе биде презентирано од Обвинителството и од одбраната, како теорија на случај и од двете страни, па ќе го знаете и резултатот“, рече тој.

Во случајот обвинети се едно физичко и едно правно лице за продолжено кривично дело „фалсификување исправа".

„Обвинетиот 41-годишник, како управител на правното лице од Рашче, искористувајќи ист траен однос, исти прилики и слични околности, преку возачите кои управувале автобус во сопственост на фирмата, извршил повеќе временски поврзани дејствија и употребувал како вистинска лажна јавна исправа - Извод од лиценца за вршење на јавен превоз во меѓународниот патен сообраќај. Ваквата лиценца за наведениот автобус воопшто не била издадена од Министерството за транспорт и врски, а управителот изготвената лажна јавна исправа им ја давал на возачите кои го управувале автобусот и со неа тие ја преминувале државната граница. Во текот на постапката, надлежниот јавен обвинител обезбеди докази дека во периодот од 10.01.2021 до 21.11.2021 година автобусот на тој начин 20 пати ја преминал државната граница на различни гранични премини“, се наведува во обвинителниот предлог.

Процесот го води судијата Ивица Стефановски, а застапник на обвинението е јавниот обвинител Владимир Милошевски.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе