Доказна постапка

Обвинетиот Вељаноски презентира докази, предложил и 50 пратеници за сведоци на судењето за „27 април“

Со изведување на предложените материјални докази од поранешниот собраниски спикер Трајко Вељаноски денеска во Кривичниот суд во Скопје продолжи судењето за организаторите на настаните од 27 април во Собранието.

Ваљаноски, продолжи со читање делови од стенографските белешки од неколку продолженија на конститутивната седницата во Собранието.

Тој прочита делови од обраќањето на Зоран Заев од собраниската говирница, образложувајќи дека тој во смс пораката само ги цитирал зборовите на Заев, дека ќе изберат претседател на Собранието и во ходник.

Вељаноски ги прочита имињата на пратениците кои добиле збор или барале процедурално, меѓу кои Оливер Спасовски, Илија Димовски, Крсто Муковски, Зекирија Ибраими и други, за кои посочи дека иако неколку пати ги повикал да се откажат од правото на реплика.

Следен доказ за презентирање е видео запис од продолжението на конститутивната седница на Собранието на 27 април 2017 година, што ќе биде презентиран по паузата.

Одбраната на Вељаноски, има повикано и околу 50 сведоци, пратеници кои треба да бидат сослушани на некои од следните рочишта.

Случајот се наоѓа во доказна постапка и го води судијата Илија Трпков.

Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски.

Тие се товарат дека сториле кривично дело „терористичко загрозување на уставниот поредок и безбедноста".

Како што тргнало, на крај, кога ќе го оствариме сонот и конечно ќе влеземе во ЕУ, ќе бидеме нација X, со јазик Y, со националност Z? Кој ќе се радува на тоа?

повеќе

Зошто да не му веруваме на лидерот кој е на чело на колоната запатена кон ЕУ?

повеќе

Логиката е кога веќе се успеа со Преспанскиот договор, кога веќе отстапката е потпишана, зошто да не се направи тоа и со Бугарија.

повеќе